பிரிகேடியர் தமிழ்ச்செல்வன் அவர்கள் யாழ்ப்பாணம், சாவகச்சேரியைச் சேர்ந்தவர். பரமு தமிழ்ச்செல்வன் என்ற இயற்பெயரைக் கொண்ட இவர், தமிழீழ விடுதலைப் புலிகளின் அரசியற்துறைப் பொறுப்பாளராகக் கடமையாற்றினார். இவர் 2 நவம்பர் 2007 அன்று கிளிநொச்சிப் பகுதியில் சிறிலங்கா வான்படையின் குண்டுவீச்சுத் தாக்குதலில் வீரச்சாவினைத் தழுவிக்கொண்டார்.
எமது மாவீரர்கள் ஒவ்வொருவரது சாவும் எமது நாட்டின் விடுதலையை முரசறையும் வீரசுதந்திர பிரகடனமாகவே சம்பவிக்கின்றது. இந்த நிலத்தின் நெஞ்சில் படுத்துறங்கும் எமது மாவீரர்களின் கல்லறைகளில் இருந்து இந்தச் சுதந்திரப் பிரகடனங்களின் பேரொளி எழுகிறது.
