மேஜர் தமிழீழன்

கதிரவெளி பகுதியில் கருணா கும்பலுடன் ஏற்பட்ட மோதலின்போது வீரச்சாவு

மட்டு மகிழவெட்டுவான் மகாவித்தியாலயத்தில் படிப்பைத் தொடர்ந்து கொண்டிருந்த வேளையில் 1995ஆம் ஆண்டு தன்னை விடுதலைப் போராட்டத்தில் இணைத்துக் கொண்டார். இவர் மறைமுகப் போராளியாக வெளியகப் பகுதியில் தனது பணிகளைச் செய்துகொண்டிருந்த வேளையில் கண்டியில் வைத்து சந்தேகத்தின்பேரில் கைதுசெய்யப்பட்டு பின்னர் சிறிலங்கா புலனாய்வுத் துறையினரால் விசாரணைக்கு உட்படுத்தப்ட்டு கண்டிபிலுள்ள சிறைச்சாலையில் தடுத்துவைக்கப்பட்டிருந்து பின்னர் விடுதலை செய்யப்பட்டார். இதன் பின்னர் கேணல் சாள்ஸ் ( அருள்வேந்தன்)  அவர்களின் வழிகாட்டலின் கீழ் வன்னிப் பகுதியிலிருந்து தனது பணிகளைச் செய்துவந்துள்ளார். துரோகி கருணா பிரிந்து சென்றபோது தென்தமிழீழத்தில் தனது பணியைத் தொடர்ந்த இவர் கதிரவெளிப் பகுதியில் கருணா குழுவினருடன் ஏற்பட்ட மோதலில் வீரச்சாவைத் தழுவிக் கொண்டார்.